ខេត្តស្វាយរៀង ៖ លោក វណ្ណ សុមុន្នី អភិបាលក្រុងបាវិតស្តីទី នៅរសៀលថ្ងៃទី១៨ ខែតុលា ឆ្នាំ២០២១ បានដឹកនាំក្រុមការងារចម្រុះចុះផ្អាកការសាងសង់សំណង់ និងការចាក់បេតុងខ្ពស់ជាងផ្លូវ នៅលើដីចំណីផ្លូវសាធារណៈរបស់រដ្ឋ ផ្លូវ៣១៩សេ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។បើតាមលោក វណ្ណ សុមុន្នី អភិបាលស្តីទីបានមានប្រាប់ក្រុមអ្នកសារព័ត៌មានយើងដឹងថា ម្ចាស់សំណង់ដែលសាងសង់រំលោភនៅលើដីផ្លូវសាធារណៈរបស់រដ្ឋ ផ្លូវ៣១៩សេនោះ មានឈ្មោះ ហ៊ុន ណង ហៅកឹង ដោយរដ្ឋបាលក្រុងបាវិតបានចុះផ្អាកការសាងសង់ចំនួន២លើករួចមកហើយ និងចុះធ្វើការណែនាំផ្ទាល់មាត់ជាមួយម្ចាស់សំណង់ចំនួន៥លើក ប៉ុន្តែម្ចាស់មិនចូលរួមអនុវត្តតាមការណែនាំរបស់រដ្ឋបាលក្រុងបាវិតនោះទេ។លោកអភិបាលស្តីទីបានបន្តទៀតថា ចំពោះម្ចាស់សាងសង់សំណង់ខាងលើគឺអត់មានសុំច្បាប់អនុញ្ញាត ហើយរំលោភលើចំណីផ្លូវសាធារណៈ បើទោះបីអាជ្ញាធរចុះណែនាំជាច្រើនលើកច្រើនសាយ៉ាងណាក៏ដោយម្ចាស់សំណង់ខាងលើនៅតែលួចបន្តសាងសង់សំណង់ និងចាក់បេតុងដដែលមិនព្រមស្តាប់អាជ្ញាធរអ្វីឡើយ ទើបក្រុមការងាររដ្ឋបាលក្រុង ដឹកនាំដោយ លោក វណ្ណ សុមុន្នី ប្រើធម៌ក្តៅចុះធ្វើការរុះរើ សំណង់ និងកាយបេតុង ដែលសាងសង់រំលោភនៅលើដីផ្លូវសាធារណៈរបស់រដ្ឋ ផ្លូវ៣១៩សេ ចេញ ហើយម្ចាស់ចូលរួមដែរ ប៉ុន្តែមិនមានការតវ៉ាអ្វីទាំងអស់។ជាមួយគ្នានេះ លោក វណ្ណ សុមុន្នី អភិបាលស្តីទីក៏បានអំពាវនាវដល់បងប្អូនប្រជាពលរដ្ឋដែលម្ចាស់សំណង់ទាំងអស់មុនសងសំណង់អ្វីមួយត្រូវសុំច្បាប់អនុញ្ញាតពីអាជ្ញាធរដែនដី និងមន្ត្រីជំនាញជាមុនសិនជៀសវាងដូចករណីនេះនាំឲ្យខាតបង់ និងអាចមានទោសទាន់ផងដែរ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា