ខេត្តមណ្ឌលគិរី ៖ ឯកឧត្តម ហ៊ូ តាំងអេង រដ្ឋលេខាធិការក្រសួងផែនការ បានជំរុញឲ្យរដ្ឋបាលខេត្តមណ្ឌលគិរី ពង្រឹងឡើងវិញនូវការងារប្រមូលព័ត៌មានសម្រាប់បង្ហោះចូលក្នុងគេហទំព័រតំបន់ត្រីកោណអភិវឌ្ឍន៍ កម្ពុជា វៀតណាម ឡាវ ឯកឧត្តម បានថ្លែងក្នុងកិច្ចប្រជុំពិភាក្សាស្តីពីការជំរុញការងារប្រមូលព័ត៌មានសម្រាប់បង្ហោះចូលក្នុងគេហទំព័រតំបន់ត្រីកោណអភិវឌ្ឍន៍ កម្ពុជា វៀតណាម ឡាវ ( CLV-DTA Website ) ដោយមានការចូលរួមពី លោក ញ៉ន សិទ្ធ អភិបាលរងខេត្តមណ្ឌលគិរី និង លោក លោកស្រី ប្រធានមន្ទីរពាក់ព័ន្ធមួយចំនួនទៀត ដែលបានប្រព្រឹត្តទៅនៅសាលប្រជុំសាលាខេត្តមណ្ឌលគិរី នាព្រឹកថ្ងៃទី ២៤ ខែវិច្ឆិកា ឆ្នាំ២០២១ ។ឯកឧត្តម ហ៊ូ តាំងអេង រដ្ឋលេខាធិការក្រសួងផែនការ បានមានប្រសាសន៍ថា ការងារប្រមូលព័ត៌មានសម្រាប់បង្ហោះចូលក្នុងគេហទំព័រតំបន់ត្រីកោណអភិវឌ្ឍន៍ CLV មានសារ:សំខាន់ដែលជាកម្លាំងចលករ និង ជាព័ត៌មានមួយសម្រាប់ជាការទាក់ទាញឲ្យអ្នកវិនិយោគមកធ្វើការវិនិយោគក្នុងខេត្ត ដែលស្ថិតក្នុងតំបន់ត្រីកោណអភិវឌ្ឍន៍ និងអាចបានបង្កើតឱកាសការងារឲ្យប្រជាពលរដ្ឋ ធានាកាត់បន្ថយភាពក្រីក្ររបស់ប្រជាពលរដ្ឋក្នុងមូលដ្ឋាន ។ឯកឧត្តម រដ្ឋលេខាធិការក្រសួងផែនការ បានបន្តថាការងារប្រមូលព័ត៌មានសម្រាប់បង្ហោះចូលក្នុងគេហទំព័រតំបន់ត្រីកោណអភិវឌ្ឍន៍សម្រាប់ខេត្តមណ្ឌលគិរី កន្លងមកហាក់បីដូចជាស្ងប់ស្ងាត់ជាពិសេសក្នុងបរិបថនៃការរីករាលដាលនៃជំងឺកូវីដ-១៩ ប៉ុន្តែបច្ចុប្បន្ននេះរាជរដ្ឋភិបាលកម្ពុជាពិសេក្រោមការដឹកនាំប្រកបដោយភាពឈ្លាសវៃរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីបានបើកដំណើការ ប្រទេសគ្រប់វិស័យឡើងវិញហើយ នឹងសង្ឃឹមថាការងារប្រមូលព័ត៌មានបង្ហោះចូលគេហទំព័រតំបន់ត្រីកោណអភិវឌ្ឍន៍ សម្រាប់ខេត្តមណ្ឌលគិរីនិងចាប់ដំណើរវិញដែរ ដើម្បីទាក់ទាញការវិនិយោគ ទាក់ទាញទេសចរណ៍ និងជាប្រយោជន៍ដល់ភាពរីកចំរើនរបស់ខេត្ត និងកាត់បន្ថយភាពក្រីរបស់ប្រជាពលរដ្ឋនៅមូលដ្ឋាន។ឯកឧត្តមបន្តថា ដូច្នេះរដ្ឋបាលខេត្ត ត្រូវតែពង្រឹងឡើងវិញនូវការងារប្រមូលព័ត៌មានសម្រាប់បង្ហោះចូលក្នុងគេហទំព័រតំបន់ត្រីកោណអភិវឌ្ឍន៍ កម្ពុជា វៀតណាម ឡាវ( CLV-DTA Website ) និងរួមសហការជាមួយអ្នកពាក់ព័ន្ធទាំងអស់ក្នុងការប្រមូលព័ត៌មាននានា ជាពិសេសវិស័យសំខាន់ៗ មានកសិកម្ម និង ទេសចរណ៍បង្ហាញឲ្យឃើញពីសក្តានុពលរបស់ខេត្តមណ្ឌលគិរី ហើយនេះជាការទាញយកផលប្រយោជន៍មួយកម្រិតសម្រាប់ខេត្ត នៅលើគេហទំព័រតំបន់ត្រីកោណអភិវឌ្ឍន៍ កម្ពុជា វៀតណាម ឡាវ។សូមបញ្ជាក់ផងដែរ សម្រាប់កម្ពុជា មានខេត្តចំនួន៤ ដែលស្ថិតនៅក្នុងតំបន់ត្រីកោណអភិវឌ្ឍន៍ រួមមាន ៖ ខេត្ត មណ្ឌលគីរី រតនគិរី ស្ទឹងត្រែង និងខេត្តក្រចេះ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា