ស៊ីដនី ៖ រដ្ឋាភិបាលអូស្ត្រាលីបានឲ្យដឹងកាលពីថ្ងៃច័ន្ទថា ខ្លួននឹងពន្យារពេលលើការបើកឡើងវិញនៃព្រំដែនអន្តរជាតិរយៈពេល២សប្តាហ៍បន្ថែមទៀត រហូតដល់ថ្ងៃទី១៥ ខែធ្នូ ទើបសម្រេចជាថ្មីម្ដងទៀត ខណដែលអាជ្ញាធរអូស្ត្រាលីបានវាយតម្លៃចំពោះហានិភ័យនៃការប្រែប្រួលរបស់វីរុសបម្លែងថ្មី Omicron ។នៅក្នុងសេចក្តីថ្លែងការណ៍មួយ កាលពីថ្ងៃច័ន្ទ រដ្ឋាភិបាលអូស្ត្រាលីបានឲ្យដឹងថា ការផ្អាកបណ្តោះអាសន្ននេះនឹងធានាឲ្យបានថា អូស្ត្រាលីអាចប្រមូលបានព័ត៌មានឲ្យកាន់តែច្បាស់ណាមួយអំពីវីរុសបម្លែងថ្មី Omicron ផងដែរ។រដ្ឋាភិបាល ក៏បានគ្រោងនឹងបន្ធូរបន្ថយការរឹតបន្តឹងតាមច្រកព្រំដែនរបស់ខ្លួន នៅថ្ងៃពុធដើម្បីអនុញ្ញាតឱ្យអ្នកកាន់ទិដ្ឋាការមានសិទ្ធិចូល រួមទាំងកម្មករជំនាញ និងនិស្សិតអន្តរជាតិ ព្រមទាំងអ្នកធ្វើដំណើរមកពីប្រទេសជប៉ុន និងកូរ៉េខាងត្បូង។ ទន្ទឹមនោះ អាជ្ញាធរ ក៏បាននឹងកំពុងស្វែងរកការបង្កើនប្រសិទ្ធភាពនៃវ៉ាក់សាំងប្រឆាំងនឹងវីរុស Omicron ផងដែរ និងសិក្សារកថាតើវាអាចបង្កើតរោគសញ្ញាធ្ងន់ជាងមុន និងកម្រិតនៃការចម្លងរបស់វាខ្លាំងដែរឬទេ។សូមជម្រាបថា អូស្ត្រាលី គឺជាប្រទេសមួយស្ថិតក្នុងចំណោមប្រទេសមួយចំនួន រួមទាំងប្រទេសអង់គ្លេស កាណាដា និងអាល្លឺម៉ង់ ដែលបានរកឃើញពីករណីឆ្លងនៃវីរុស Omicron នេះ បន្ទាប់ពីករណីដំបូងត្រូវបានរាយការណ៍ទៅកាន់អង្គការសុខភាពពិភពលោក (WHO) ដោយអាហ្វ្រិកខាងត្បូង កាលពីសប្តាហ៍មុននេះ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា