ខេត្តមណ្ឌលគិរី ៖ ដើម្បីចូលរួមរំលែកការលំបាក និងលើកទឹកចិត្តសមាជិកស.ស.យ.កស្រុក ដែលបានឆ្លងជំងឺកូវីដ-១៩ ក្នុងពេលបំពេញភារកិច្ចដោយស្ម័គ្រចិត្តចូលរួមសម្របសម្រួលក្នុងយុទ្ធនាការចាក់វ៉ាក់សាំងជូនប្រជាពលរដ្ឋនាពេលកន្លងទៅ នៅរសៀលថ្ងៃទី ០២ ខែវិច្ឆិកា ឆ្នាំ២០២១ លោក សី ទូច អនុប្រធានស.ស.យ.កខេត្ត តំណាងលោក ឈឹម កាន ប្រធាន ស.ស.យ.ក ខេត្តមណ្ឌលគិរី ដោយមានការចូលរួមពីលោក អ៊ា ស៊ាងអ៊ន់ ប្រធានស.ស.យ.កស្រុកពេជ្រាដា និងសហការី បានអញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ ថវិកាមួយចំនួនរបស់ស.ស.យ.ក ខេត្ត ឧបត្ថម្ភដល់សមាជិកស.ស.យ.ក ស្រុកពេជ្រាដា ដែលកំពុងសំរាកព្យាបាលជំងឺកូវីដ-១៩ នៅមន្ទីរពេទ្យបង្អែកខេត្តមណ្ឌលគិរី ។លោក សី ទូច បានពាំនាំនូវការផ្តាំផ្ញើសាកសួរសុខទុក្ខ និង នឹករលឹកពីសំណាក់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ឯកឧត្តម ថង សាវុន អភិបាលខេត្តមណ្ឌលគិរី និង លោក ឈឹម កាន ប្រធានស.ស.យ.កខេត្តមណ្ឌលគិរី ដែលជានិច្ចជាកាល ឯកឧត្តមតែងតែយកចិត្តទុកដាក់គិតគូរពីសុខទុក្ខរបស់សមាជិក សមាជិកា ស.ស.យ.ក គ្រប់ៗរូប ។លោក អនុប្រធានស.ស.យ.កខេត្ត ក៏បានកោតសរសើរនិងវាយតម្លៃខ្ពស់ចំពោះកិច្ចខិតខំប្រឹងប្រែងនិង ភាពក្លាហានរបស់ក្រុមការងារ ស.ស.យ.កស្រុកពេជ្រាដាដែលបានចំណាយពេលវេលា កម្លាំងកាយ កម្លាំងចិត្ត ក្នុងការចូលរួមសម្របសម្រួលក្នុងយុទ្ឋនាការចាក់វ៉ាក់សាំងការពារជំងឺកូវីដ-១៩ ។លោក សី ទូច បានលើកទឹកចិត្តដល់សមាជិកដែលកំពុងសម្រាកព្យាបាល ត្រូវថែទាំសុខភាពរបស់ខ្លួនឲ្យបានល្អ លេបថ្នាំឲ្យបានទៀងទាត់ ហាត់ប្រាណ និងគេងអោយគ្រប់គ្រាន់ ហើយក៏សូមជូនពរឲ្យឆាប់ជាសះស្បើយ មានសុខភាពល្អឡើងវិញ ។ក្នុងឱកាសចុះសួរសុខទុក្ខនេះ ស.ស.យ.កខេត្ត បានឧបត្ថម្ភ អង្ករចំនួន ៥០គីឡូក្រាម មី ១កេស ទឹកសុទ្ធ១.៥លីត្រ១កេស ត្រីខ ១យួរ ម៉ាស់ ១ប្រអប់ និង ថវិកា សរុបចំនួន ៥៥០០០០រៀល ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា