ខេត្តព្រះសីហនុ ៖ លោក ស្រ៊ុន ស្រ៊ន់ ប្រធានសហភាពសហព័ន្ធយុវជនកម្ពុជាខេត្តព្រះសីហនុ នៅព្រឹកថ្ងៃទី២៣ ខែធ្នូ ឆ្នាំ២០២១ បានដឹកនាំកិច្ចប្រជុំពង្រឹងរចនាសម្ព័នសហភាពសហព័ន្ធយុវជនកម្ពុជាខេត្តព្រះសីហនុ និងប្រជុំត្រៀមរៀបចំកម្មវិធីសំណេះសំណាលជាមួយថ្នាក់ដឹកនាំ សមាជិក សមាជិកាក្នុងរចនាសម្ព័ន្ធសហភាពសហព័ន្ធយុវជនកម្ពុជា ខេត្តព្រះសីហនុ ក្រោមអធិបតីភាពឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជាថ្នាក់កណ្តាល នាថ្ងៃទី២១ ខែមករា ឆ្នាំ២០២២ខាងមុខ។ កិច្ចប្រជុំមានគោលបំណងពង្រឹងរចនាសម្ព័ន្ធ ស.ស.យ.ក ខេត្តព្រះសីហនុ ដែលបានខកខានជួបជុំកន្លងមក ដោយសារតែជួបវិបត្តិជំងឺកូវីដ-១៩ ។លោក ស្រ៊ុន ស្រ៊ន់ ប្រធានសហភាពសហព័ន្ធយុវជនកម្ពុជាខេត្តព្រះសីហនុបានវាយតម្លៃខ្ពស់ចំពោះកាចូលរួមរបស់គណៈកម្មាធិការ ស.ស.យ.ក ខេត្ត របស់យើងសាខាក្រុង-ស្រុក មន្ទីរការងារ អង្គភាព ឃុំ-សង្កាត់ដែលបានបំពេញតួនាទីភារកិច្ចក្នុងការចូលរួមគ្រប់សកម្មភាពការងារសង្គម ពិសេសក្នុងបរិបទកូវីដ-១៩ ការចែក រំលែកការ លំបាកខ្វះខាតដល់ជនរងគ្រោះ ជនងាយរងគ្រោះ និងគ្រោះធម្មជាតិនានាក្នុងមូលដ្ឋានបានទាន់ពេលវេលា។ជាមួយគ្នានេះ លោកប្រធានបានណែនាំឲ្យ ស.ស.យ.ក ខេត្ត ក្រុង-ស្រុក មន្ទីរអង្គភាព ឃុំ-សង្កាត់គ្រប់ជាន់ថ្នាក់ គ្រប់សកម្មភាពនានា នៅគ្រប់មូលដ្ឋានមិនអាចខ្វះបានពីការចូលរួមរបស់សមាជិក សមាជិកា ស.ស.យ.ក របស់យើងបានទេ ដែលនេះជាការផ្តល់ជាកម្លាំងកាយ-ចិត្តសម្រាប់សមាជិករបស់យើងក្នុងការធ្វើសកម្មភាពជួយសម្របសម្រួលដោះស្រាយបញ្ហា និងសំណូមពរ របស់បងប្អូនប្រជាពលរដ្ឋនៅក្នុងមូលដ្ឋានមានប្រសិទ្ធភាពកាន់តែខ្ពស់ ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា