រដ្ឋបាលស្រុកព្រៃនប់ជូនដំណឹងស្តីពីការចាក់វ៉ាក់សាំងបង្ការជំងឺកូវីដ-១៩ជូនប្រជាពលរដ្ឋក្នុងភូមិសាស្រ្តស្រុក
ខេត្តព្រះសីហនុ ៖ រដ្ឋបាលស្រុកព្រៃនប់នៅថ្ងៃទី១៧ ខែមិថុនា ឆ្នាំ២០២១ បានចេញសេចក្តីជូនដំណឹងស្តីពីការចាក់វ៉ាក់សាំងបង្ការជំងឺកូវីដ-១៩ជូនប្រជាពលរដ្ឋដែលមានអាយុចាប់ពី១៨ឆ្នាំឡើង នៅទូទាំងស្រុកព្រៃនប់ចាប់ពីថ្ងៃទី២២ ខែមិថុនា ឆ្នាំ២០២១ នៅទីតាំងចំនួន៥ដូចខាងក្រោម ៖
ទីតាំងទី១ ៖ វិទ្យាល័យ ហ៊ុន សែន ស្មាច់ដែង សម្រាប់ប្រជាពលរដ្ឋរស់នៅឃុំបិតត្រាំ និងឃុំរាម
ទីតាំងទី២ ៖ វត្តអូរចំណារ សម្រាប់ប្រជាពលរដ្ឋរស់នៅឃុំអូរឧកញ៉ា ហេង ឃុំបឹងតាព្រហ្ម ឃុំអូរជ្រៅ និងឃុំព្រៃនប់
ទីតាំងទី៣ ៖ សាលាបឋមសិក្សា-អនុវិទ្យាល័យសំរុង សម្រាប់ប្រជាពលរដ្ឋរស់នៅឃុំទួលទទឹង ឃុំអណ្តូងថ្ម ឃុំសំរុង និងឃុំវាលរេញ
ទីតាំងទី៤ ៖ សាលាអនុវិទ្យាល័យទួលកែវ សម្រាប់ប្រជាពលរដ្ឋរស់នៅឃុំសាមគ្គី ឃុំទឹកល្អក់ និងឃុំទឹកថ្លា
ទីតាំងទី៥ ៖ សាលាបឋមសិក្សាជើងគោ សម្រាប់ប្រជាពលរដ្ឋរស់នៅឃុំជើងគោ និងឃុំតានៃ៕
