ខេត្តស្ទឹងត្រែង ៖ អ្នកវិជ្ជមានកូវីដ-១៩ រកឃើញ៣១បន្ថែមទៀត នៅរសៀលថ្ងៃទី២៧មិថុនាម្សិលមិញ ខណៈអ្នកឆ្លងសរុបកើនឡើងដល់១៨៩ នាក់ ស្រី៩២នាក់ អ្នកជាសះស្បើយ១៣នាក់ស្រី០៦នាក់ និងអ្នកកំពុងសម្រាកព្យាបាល១៧៦នាក់ ស្រី ៨៦នាក់។បើយោងតាមសេចក្តីប្រកាសព័ត៌មានរបស់រដ្ឋបាលខេត្តស្ទឹងត្រែង បន្ទាប់ពីក្រុមការងារគ្រូពេទ្យជំនាញ នៃមន្ទីរសុខាភិបាលខេត្តស្ទឹងត្រែង បានរកឃើញករណីវិជ្ជមានកូវីដ-១៩ថ្មី លើប្រជាពលរដ្ឋសរុបចំនួន៣១នាក់។ ដោយឡែកបច្ចុប្បន្ន ក្រុមការងារគ្រូពេទ្យជំនាញ នៃមន្ទីរសុខាភិបាលខេត្ត បាននឹងកំពុងបន្តស្រាវជ្រាវរកអ្នកប៉ះពាល់ជាមួយ និងអ្នកវិជ្ជមានកូវីដ-១៩ខាងលើ ដើម្បីយកសំណាកវិភាគ។គួរបញ្ជាក់ថា ក្រោយការផ្ទុះរីករាលដាលនូវជម្ងឺកូវីដ-១៩យ៉ាងខ្លាំងនៅតាមភោជនីយដ្ឋាន អាហារដ្ឋាន និងបន្តចូលដល់ទីតាំងផ្សារសាមគ្គីខេត្តស្ទឹងត្រែងនោះមក ហាងលក់ភេសជ្ជៈគ្រប់ប្រភេទ ភោជនីយដ្ឋាន កន្លែងលក់ដូរ និងផ្សារសាមគ្គីស្ទឹងត្រែង ត្រូវបានបិទជាបណ្តោះអាសន្នតាមការណែនាំរបស់រដ្ឋបាលខេត្ត នឹងមានការបើកឡើងក្រោយការជូនដំណឹងពីរដ្ឋបាលខេត្ត។ ក្នុងនោះផងដែរ ក៏ការជូនដំណឹងស្តីពីការបិទបំរាមគោចរ ដោយផ្អាកការធ្វើដំណើរ ចាប់ពីម៉ោង៨យប់ រហូតដល់ម៉ោង៥ភ្លឺ រយៈពេល១៤ថ្ងៃ ចាប់ពីថ្ងៃជូនដំណឹងតទៅ៕
ព័ត៌មានគួរចាប់អារម្មណ៍
ឯកឧត្តម ស សុខា អះអាងថា ជនរួមជាតិ ព្រមទាំងយុវជន ជឿជាក់លើភាពម៉ឺងម៉ាត់និងដំណោះស្រាយដ៏ឈ្លាសវៃរបស់សម្ដេចធិបតី ហ៊ុន ម៉ាណែត ()
សម្ដេចធិបតី ហ៊ុន ម៉ាណែត ថ្លែងអំណរគុណរដ្ឋាភិបាលថៃ ដែលបានលើកលែងថ្លៃទិដ្ឋាការសម្រាប់ពលរដ្ឋខ្មែរ ដែលមកលេងស្រុកកំណើតក្នុងឱកាសបុណ្យចូលឆ្នាំខ្មែរ ()
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
វីដែអូ
ចំនួនអ្នកទស្សនា