ឯកឧត្តម វ៉ា ថន អញ្ជើញទទួលអំណោយពីក្រុមហ៊ុន កូកាកូឡា នូវភេសជ្ជៈចំនួន១០០កេស
ខេត្តក្រចេះ ៖ រសៀលថ្ងៃព្រហស្បតិ៍ ១៣កើត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២២ ខែកក្កដា ឆ្នាំ២០២១នេះ ឯកឧត្តម វ៉ា ថន អភិបាលនៃគណៈ អភិបាលខេត្ត រួមនិងឯកឧត្តម គង់ គឹមនី អភិបាលរងខេត្តអញ្ជើញទទួលអំណោយពីក្រុមហ៊ុន កូកាកូឡា នូវទឹកក្រូចចំនួន១០០កេស សម្រាប់បំរើបងប្អូនទូទៅដែលកំពុងជួបវិបត្តិកូវីដ-១៩ នៅក្នុងខេត្ត។
ឯកឧត្តម គណៈអភិបាលខេត្តក្រចេះបានថ្លែងអំណរអរគុណចំពោះក្រុមហ៊ុន កូកាកូឡា យ៉ាងជ្រាលជ្រៅ ដែលមានទឹកចិត្តសប្បុរសធម៌បានឧបត្ថម្ភជាភេសជ្ជៈ កូកាកូឡា ដល់រដ្ឋបាលខេត្តក្រចេះនាពេលនេះ។ សូមជូនពរឲ្យក្រុមហ៊ុន កូកាកូឡា រកស៊ីមានបាន ហើយដំណើរការទៅមុខប្រកបជោគជ័យ និងមានអតិថិជនកាន់តែច្រើន និងជូនពរដល់បុគ្គលិក សូមមានសុខភាពល្អទាំងអស់គ្នា ដើម្បីបន្តចូលរួមទប់ស្កាត់ និងការពារនូវរោគរាតត្បាតនៃជំងឺកូវីដ-១៩ ដែលកំពុងយាយីក្នុងសហគមន៍យើងនាពេលបច្ចុប្បន្ន៕
