អាជ្ញាធរខេត្តក្រចេះប្រកាសជូនដំណឹងស្តីពីការចាក់វ៉ាក់សាំងការពារជំងឺកូវីដ-១៩ជូនប្រជាពលរដ្ឋចំនួន៣ស្រុកបន្ថែមទៀត
ខេត្តក្រចេះ ៖ រដ្ឋបាលខេត្តក្រចេះ នារសៀលថ្ងៃអាទិត្យ ១រោច ខែទុតិយាសាឍ ឆ្នាំឆ្លូវ ត្រីស័ក.ព.ស ២៥៦៥ ត្រូវនឹងថ្ងៃទី២៥ ខែកក្កដា ឆ្នាំ២០២១ បានចេញសេចក្តីប្រកាសជូនដំណឹងស្តីពីការចាក់វ៉ាក់សាំងការពារជំងឺកូវីដ-១៩ ជូនប្រជារដ្ឋនៅក្នុងស្រុកចំនួន៣បន្ថែមទៀត ក្នុងនោះមាន ៖ ស្រុកសំបូរ, ស្រុកចិត្របុរី និងស្រុកស្នួល។
តាមសេចក្តីប្រកាសរបស់រដ្ឋខេត្តក្រចេះបានបញ្ជាក់ថា នៅតាមគោលដៅដែលរដ្ឋបាលស្រុកនីមួយៗបានរៀបចំចាក់ជូនប្រជាពលរដ្ឋចាប់ពីថ្ងៃចន្ទ ទី២៦ ខែកក្កដា ឆ្នាំ២០២១នេះតទៅ នៅវេលាម៉ោង ៨ ៖ ០០នាទីព្រឹក ដល់ម៉ោង១២ ៖ ០០នាទី ថ្ងៃត្រង់ និងពេលរសៀល ចាប់ពីម៉ោង១៤ ៖ ០០នាទី ដល់ ម៉ោង១៧ ៖ ០០នាទីល្ងាច។
ជាមួយគ្នានេះដែរ អាជ្ញាធរខេត្តក្រចេះក៏អំពាវនាវសូមបងប្អូនប្រជាពលរដ្ឋទាំងអស់គ្នាដែលមានចាប់ពីអាយុ១៨ ឆ្នាំឡើង អញ្ជើញមកទទួលការចាក់វ៉ាក់សាំងឲ្យបានគ្រប់ៗគ្នាដោយឥតគិតថ្លៃ ដោយឈរលើគោលការណ៍ស្ម័គ្រចិត្តដើម្បីការពារ និងទប់ស្កាត់នូវរោគរាតត្បាតនៃជំងឺកូវីដ-១៩នៅក្នុងសហគមន៍៕ ដោយ ៖ ស៊ាន ចន្ទ័ដា
សូមអានសេចក្តីជូនដំណឹងរបស់អាជ្ញាធរខេត្តខាងក្រោម ៖
