ខេត្តស្ទឹងត្រែង ៖ លោកវេជ្ជបណ្ឌិត អ៊ុង សូវៀត ប្រធានមន្ទីរសុខាភិបាលខេត្តស្ទឹងត្រែង បានប្រាប់ថារហូតមកដល់ពេលនេះជំងឺកូវីដ-១៩ ប្រភេទDelta ត្រូវបានរកឃើចំនួន១៨នាក់បន្ថែមទៀតក្នុងខេត្តស្ទឹងត្រែង ដែលនេះជាកម្រិតឆ្លងមួយដែលខេត្តស្ទឹងត្រែងត្រូវបានប្រកាសអាសន្ន និងជាពេលវេលាមួយដែលរដ្ឋបាលគួរបន្តធ្វើការបិទខ្ទប់ក្នុងភូមិសាស្ត្រខេត្ត ។លោកវេជ្ជបណ្ឌិត អ៊ុង សូវៀតបន្ថែមថា ការឆ្លងជំងឺកូវីដ-១៩ប្រភេទdelta គឺដោយសារមានការឆ្លងនាំចូលពីបុរស២នាក់មកពីខេត្តបន្ទាយមានជ័យ និងបានរាលដាលចូលដល់ក្រុងស្ទឹងត្រែង ជាពិសេសមានការឆ្លងច្រើនស្ទើរតែគ្រប់សង្កាត់ទាំងអស់ក្នុងក្រុងស្ទឹងត្រែង។ជាមួយគ្នានេះ លោកជំរុញដល់ប្រជាពលរដ្ឋ សូមឲ្យបន្តយកចិត្តទុកដាក់ក្នុងការអនុវត្តទៅតាមវិធានការសុខាភិបាល តាមរយៈការក្សា គម្លាតគ្នា ប្រើម៉ាស់ជាប្រចាំ លាងដៃជាមួយអាល់កុលឲ្យបានញឹកញាប់ ចំណុចសំខាន់អនុវត្តឲ្យបាននូវវិធានការ៣កុំ ៣ការពារ ដែលជាអនុសាសន៍របស់សម្តេចតេជោ នាយករដ្ឋមន្ត្រី ។គួបញ្ជាក់ផងដែរថា គិតត្រឹមវេលាម៉ោង២ និង៣០នាទីរសៀលក្នុងថ្ងៃទី២៤សីហានេះ ក្នុងខេត្តស្ទឹងត្រែងមានអ្នកវិជ្ជមានជំងឺកូវីដ-១៩ ប្រភេទDelta សរុបចំនួន ៤៦នាក់ហើយ ៕
ព័ត៌មានគួរចាប់អារម្មណ៍
ឯកឧត្តម ស សុខា អះអាងថា ជនរួមជាតិ ព្រមទាំងយុវជន ជឿជាក់លើភាពម៉ឺងម៉ាត់និងដំណោះស្រាយដ៏ឈ្លាសវៃរបស់សម្ដេចធិបតី ហ៊ុន ម៉ាណែត ()
សម្ដេចធិបតី ហ៊ុន ម៉ាណែត ថ្លែងអំណរគុណរដ្ឋាភិបាលថៃ ដែលបានលើកលែងថ្លៃទិដ្ឋាការសម្រាប់ពលរដ្ឋខ្មែរ ដែលមកលេងស្រុកកំណើតក្នុងឱកាសបុណ្យចូលឆ្នាំខ្មែរ ()
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
វីដែអូ
ចំនួនអ្នកទស្សនា