ថ្ងៃពុធទី២៥ ខែសីហា ឆ្នាំ២០២១ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតីដឹកនាំកិច្ចប្រជុំពិភាក្សាអំពីបញ្ហាសន្តិសុខ នៅខេត្តកោះកុង។លោកជំទាវអភិបាលខេត្ត បានលើកឡើងថាបច្ចុប្បន្នខេត្តកោះកុងរបស់យើង ពិតជារក្សាបានសន្តិសុខ សណ្តាប់ធ្នាប់សាធារណៈបានល្អប្រសើរទាំងក្នុងមូលដ្ឋានក្រុង ស្រុក ឃុំ សង្កាត់ ភូមិ មិនមានបញ្ហាអ្វីកើតឡើងគួរឱ្យកត់សំគាល់នោះទេ ចំពោះនៅតាមបណ្តោយខ្សែបន្ទាត់ព្រំដែនកម្ពុជា-ថៃ ក៏ដូចគ្នាដែរ។ ទោះបីជាយើងកំពុងមមាញឹក ក្នុងការទប់ស្កាត់ការឆ្លងរាលដាលជំងឺកូវីដ-១៩ក៏ដោយ កងកម្លាំងប្រដាប់អាវុធទាំងអស់បំពេញតួនាទី ភារកិច្ចបានល្អប្រសើរជាប់ជាប្រចាំ។ ក្នុងរយៈចុងក្រោយនេះក្នុងខេត្តកោះកុង បានរកឃើញមេរោគបំប្លែងថ្មី ដែលតា ដែលជាមេរោគឆ្លងរាលដាលយ៉ាងឆាប់រហ័ស ទន្ទឹមនេះសូមកម្លាំងមានសមត្ថកិច្ច អាជ្ញាធរពាក់ព័ន្ធគ្រប់លំដាប់ថ្នាក់បន្ត និងពង្រឹងការទប់ស្កាត់ពលករ ដែលឆ្លងដែនទាំងអស់ត្រូវធ្វើចត្តាឡីស័កគ្រប់ៗគ្នាចៀសវាង ការធ្វេសប្រហែសធ្វើឱមានការឆ្លងរីករាលដាលជំងឺក្នុងសហគមន៍ទៀត។ កម្លាំងការពារគ្រប់អង្គភាព នៅតាមខ្សែបន្ទាត់ព្រំដែន ត្រូវរាយការណ៍ និងទប់ស្កាត់ឱ្យខានតែបានចំពោះពលករ ដែលបានឆ្លងដែនគឺ ត្រូវធ្វើការអប់រំ ណែនាំ និងជំរុញឱ្យពួកគាត់ត្រូវធ្វើតេស្តរហ័ស និងធ្វើចត្តាឡីស័កសិន មុននឹងបញ្ជូនទៅកាន់គេហដ្ឋាន រឺស្រុកកំណើតវិញ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា