KNP

ថ្ងៃសៅរ៍ ទី១៤ ខែមិថុនា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

ផ្លែមៀនចំនួន៥តោនជាអំណោយដ៏ថ្លៃថ្លារបស់សម្តេចតេជោ ហ៊ុន សែន ឧបត្ថម្ភជូនរដ្ឋបាលខេត្តក្រចេះ **|**

ផ្លែមៀនចំនួន៥តោនជាអំណោយដ៏ថ្លៃថ្លារបស់សម្តេចតេជោ ហ៊ុន សែន ឧបត្ថម្ភជូនរដ្ឋបាលខេត្តក្រចេះ

ខេត្តក្រចេះ ៖ នាព្រឹកថ្ងៃសុក្រ៤រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៧ ខែ សីហា ឆ្នាំ២០២១នេះ ឯកឧត្តម គង់ គឹមនី គណៈអភិបាលរងខេត្តក្រចេះ តំណាងឯកឧត្តម វ៉ា ថន អភិបាល នៃគណៈអភិបាលខេត្តក្រចេះបានអញ្ជើញទទួលផ្លែមៀនចំនួន៥តោនដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃកម្ពុជា និងសម្តេចកិតិ ព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈ លោកឧត្តមសេនីយ៍ទោ លត់ ប៊ុនថុល តំណាងនាយឧត្តមសេនីយ៍ឯក ហ៊ីង ប៊ុនហៀង មកចែកជូនមន្រ្តីរាជការ កងកម្លាំងប្រដាប់អាវុធទាំងបីប្រភេទ ក្នុងខេត្ត។

ឯកឧត្តម គង់ គឹម នី គណៈអភិបាលរងខេត្ត បានមានប្រសាសន៍ថា ការឧបត្ថម្ភនូវផ្លែមៀនចំនួន៥តោន នេះសបញ្ជាក់ឲ្យឃើញថា គឺជាការយកចិត្តទុកដាក់ដ៏ខ្ពង់ខ្ពស់បំផុតពីសំណាក់សម្តេចទាំងទ្វេពីជីវភាពរស់នៅប្រចាំថ្ងៃ របស់មន្រ្តីរាជការ និងកងកម្លាំងប្រដាប់អាវុធនៅក្នុងខេត្តក្រចេះ ក៏ជានៅក្នុងព្រះរាជាណាចក្រកម្ពុជាយើងទាំងមូលផងដែរ។

នាឱកាសនោះដែរ ឯកឧត្តម គង់ គឹម នី ក៏បានថ្លែងអំណរ អរគុណចំពោះសម្តេចទាំងទ្វេ ដែលតែងតែ យកចិត្តទុកដាក់ពីសុខទុក្ខ និងសុខមាលភាព ព្រមទាំងជីវភាពមន្រ្តីរាជការ និងកងកម្លាំងប្រដាប់អាវុធគ្រប់ប្រភេទ និងប្រជាពលរដ្ឋទូទៅ។ ជាមួយគ្នានេះដែរ ឯកឧត្តមសូមគោរពជូនពរសម្តេចទាំងទ្វេ ព្រមទាំងក្រុមគ្រួសារ សូមមានសុខភាពល្អបរិបូណ៌ កម្លាំងពលំមាំមួន ប្រាជ្ញាវាងវៃ ដើម្បីបន្តដឹកនាំប្រទេសជាតិកាន់តែរីកចម្រើនបន្ថែមទៀត។ យើងខ្ញុំទាំងអស់គ្នានៅថ្នាក់ក្រោមជាតិ ប្តេជ្ញាដើរតាមគោលការណ៍ និងគោលនយោបាយរបស់សម្តេចឥតងាករេ៕