ខេត្តកណ្តាល៖ ឯកឧត្តម ណុប ដារ៉ា អភិបាលរងខេត្តកណ្តាល នៅរសៀលថ្ងៃទី៦ ខែសីហា ឆ្នាំ២០២១នេះ បានដឹកនាំក្នុងកិច្ចប្រជុំផ្សព្វផ្សាយ ស្តីពីការបង្កើតគណៈបញ្ជាការដឹកនាំការអនុវត្តច្បាប់ប្រយុទ្ធនឹងជំងឺកូវីដ-១៩ ខេត្តកណ្តាល តាមរយៈប្រព័ន្ធ Online Video Zoom ដោយមានការចូលរួមពី កងកម្លាំងមានសមត្ថកិច្ច មន្ទីរពាក់ព័ន្ធ និងអាជ្ញាធរក្រុង-ស្រុកទាំង១១ ក្នុងខេត្ត។ក្នុងកិច្ចប្រជុំនេះ ឯកឧត្តម ណុប ដារ៉ា បានស្នើឲ្យ អាជ្ញាធរក្រុង-ស្រុក ត្រូវរៀបចំរចនាសម្ព័ន្ធរបស់ខ្លួនឲ្យបានត្រឹមត្រូវ សំដៅអនុវត្តន៍ការងារនេះឲ្យមានប្រសិទ្ធភាពខ្ពស់ ត្រូវបញ្ជូនរបាយការណ៍ ឲ្យទាន់តាមការកំណត់ និងរាយការណ៍ជាប្រចាំអំពីស្ថានការណ៍នានាក្នុងមូលដ្ឋានខ្លួនមក គណៈបញ្ជាការដឹកនាំការអនុវត្តច្បាប់ប្រយុទ្ធនឹងជំងឺកូវីដ-១៩ ថ្នាក់ខេត្ត។ឯកឧត្តមអភិបាលរងខេត្ត បានណែនាំដល់ កងកម្លាំងមានសមត្ថកិច្ចគ្រប់លំដាប់ថ្នាក់ ត្រូវអនុវត្តតាមច្បាប់ ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ ឲ្យបានតឹងរឹងបំផុត កុំឲ្យមានការឆកល្វែង និងយោកយល់ចំពោះជនណាដែលមិនចូលរួមគោរពអនុវត្តតាម។បន្ថែមពីលើនេះ ឯកឧត្តមក៏បានជម្រុញ ដល់អាជ្ញាធរក្រុង-ស្រុក ត្រូវបន្តផ្សព្វផ្សាយអប់រំដល់ប្រជាពលរដ្ខអំពី ច្បាប់ និងបទដ្ឋានគតិយុត្តិនានាទាក់ទងនឹងការងារបង្កា និងទប់ស្កាត់ការឆ្លងរាលដាលនៃជំងឺកូវីដ-១៩ ឲ្យដល់ខ្នងផ្ទះប្រជាពលរដ្ឋ និងណែនាំប្រជាពលរដ្ឋទាំងអស់ ឲ្យនាំគ្នាអនុវត្តតាម ការណែនាំរបស់ក្រសួងសុខាភិបាល រស់នៅដោយប្រកាន់ខ្ជាប់នូវអនាម័យខ្ពស់ ត្រូវនាំគ្នាអនុវត្តន៍ តាមវិធានការការពាររបស់ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាឲ្យបានគ្រប់ៗគ្នា គឺ ៣កុំ និង៣ការពារ ដើម្បីរួចផុតពីការឆ្លងរីករាយដានៃជំងឺកូវីដ-១៩ ចូលក្នុងសហគមន៍៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា