KNP

ថ្ងៃសៅរ៍ ទី១៤ ខែមិថុនា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

ស្នងការដ្ឋាននគរបាលខេត្តមណ្ឌលគិរីទទួលបានអំណោយរថយន្តសង្គ្រោះបន្ទាន់០១គ្រឿងពីរដ្ឋមន្ត្រីក្រសួងបរិស្ថាន **|**

ស្នងការដ្ឋាននគរបាលខេត្តមណ្ឌលគិរីទទួលបានអំណោយរថយន្តសង្គ្រោះបន្ទាន់០១គ្រឿងពីរដ្ឋមន្ត្រីក្រសួងបរិស្ថាន

ខេត្តមណ្ឌលគិរី ៖ នាព្រឹកថ្ងៃពុធ ៩កើត ខែភទ្របទ ត្រីស័ក ពុទ្ធសករាជ២៥៦៥ ត្រូវនឹងថ្ងៃទី១៥ ខែកញ្ញា ឆ្នាំ២០២១ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងសហការី បានទទួលអំណោយដ៏ថ្លៃថ្លាពីឯកឧត្តម សាយ សំអាល់ រដ្ឋមន្ត្រីក្រសួងបរិស្ថាននូវរថយន្តសង្គ្រោះបន្ទាន់ចំនួន០១គ្រឿងសម្រាប់បំពាក់ជូនស្នងការដ្ឋាននគរបាលខេត្តមណ្ឌលគិរី ដែលពិធីនេះធ្វើឡើងនៅទីស្តីការក្រសួងបរិស្ថាន រាជធានីភ្នំពេញ។

នាឱកាសនោះដែរលោកឧត្តមសេនីយ៍ទោ ឡោ សុខា ស្នងការនគរបាលខេត្តបានសម្តែងនូវសេចក្តីសោមនស្សរីករាយក្រៃលែងចំពោះសមានចិត្ដដ៏សប្បុរសតរបស់ឯកឧត្តមរដ្ឋមន្ត្រី និងមន្ត្រីរាជការនៃក្រសួងបរិស្ថានដែលបានផ្តល់នូវអំណោយរថយន្តសង្គ្រោះបន្ទាន់ចំនួន ០១គ្រឿង សម្រាប់បំពាក់ជូន ស្នងការដ្ឋាននគរបាលខេត្តមណ្ឌលគិរី។

អំណោយដ៏ថ្លៃថ្លានេះ បានឆ្លុះបញ្ចាំងឲ្យឃើញពីវប្បធម៌ចែករំលែក ផុសចេញពីទឹកចិត្តសប្បុរសរបស់ ឯកឧត្តម ដែលជាការរួមចំណែកជាមួយរាជរដ្ឋាភិបាល ក្នុងការលើកទឹកចិត្ត ក៏ដូចជាការរក្សានូវសុខុមាលភាពរបស់កងកម្លាំងនគរបាលជាតិ ដែលកំពុងបំពេញបេសកកម្មថែរក្សាស្ថិរភាព សន្តិសុខ សណ្តាប់ធ្នាប់សាធារណៈ និងការពារបូរណភាពទឹកដី នៃព្រះរាជាណាច ក្រកម្ពុជា។

ក្នុងនាមស្នងការដ្ឋាននគរបាលខេត្តមណ្ឌលគិរី និងក្នុងនាមខ្លួនខ្ញុំផ្ទាល់ សូមគោរពថ្លែងអំណរគុណ យ៉ាងជ្រាលជ្រៅបំផុត និងសូមគោរពជូនពរ ឯកឧត្តម រដ្ឋមន្ត្រីក្រសួងបរិស្ថាន ព្រមទាំងសហការីគ្រប់ជាន់ថ្នាក់ សូមមានសុខភាពល្អបរិបូណ៌ កម្លាំងមាំមួន សម្រេចបានជោគជ័យគ្រប់បេសកកម្មបម្រើជាតិមាតុភូមិ ព្រមទាំងទទួលបាននូវពុទ្ធពរដ៏ប្រពៃថ្លៃថ្លាទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕