ក្រសួងការងារបន្តក្រើនរំលឹកដល់ម្ចាស់រោងចក្រ សហគ្រាសរៀបចំនិងជំរុញកម្មករនិយោជិតឱ្យបានចាក់វ៉ាក់សាំងដូសជំរុញគ្រប់ៗគ្នា ដើម្បីទប់ស្កាត់មេរោគបំប្លែងខ្លួនថ្មី
ភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១០ ខែកុម្ភៈ ឆ្នាំ២០២២បានចេញសេចក្ដីជូនដំណឹងដល់ម្ចាស់ ឬនាយករោងចក្រ សហគ្រាសទាំងអស់ ត្រូវទំនាក់ទំនងជាបន្ទាន់ទៅអាជ្ញាធរមូលដ្ឋាន រៀបចំចាក់វ៉ាក់សាំងដូសជំរុញជូនកម្មករនិយោជិតនៅតាមទីតាំងណាមួយដែលមានភាពងាយ និងចូលរួមជំរុញការអប់រំផ្សព្វផ្សាយដល់កម្មករនិយោជិតឱ្យបានដឹងអំពីភាពចាំបាច់ក្នុងការចាក់វ៉ាក់សាំងដូសជំរុញ និងការពង្រឹងការអនុវត្តវិធានការសុវត្ថិភាព ផ្នែកសុខាភិបាល ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ ជាពិសេសមេរោគបំប្លែងខ្លួនថ្មី ប្រភេទអូមីក្រុង៕
