ខេត្តមណ្ឌលគិរី ៖ អាជ្ញាធរក្រុងតម្រូវឲ្យម្ចាស់ស្ថានីយ៍ប្រេងឥន្ធនៈមួយកន្លែង ត្រូវកាយអាចម៍ដីចេញពីទីតាំងដែលចាក់រំលោភចូលទៅដីទ្រនាប់ដងអូរឬដីចំណីអូរ ស្ថិតនៅក្នុងភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។អាជ្ញាធរក្រុងសែនមនោរម្យ កាលពីថ្ងៃទី២៤ ខែកុម្ភៈ ឆ្នាំ ២០២២ បានចុះត្រួតពិនិត្យទីតាំងសាងសង់ស្ថានីយប្រេងឥន្ធនៈថ្មីមួយកន្លែង បានរកឃើញថា ម្ចាស់ស្ថានីយនោះ បានចាក់អាចម៍ដីរាប់រយរថយន្ត រំលោភចូល ដីទ្រនាប់អូររបស់រដ្ឋ ដែលជាផ្លូវទឹកដ៏សំខាន់ ក្នុងការបញ្ចៀសការជន់លិច ផ្ទះប្រជាពលរដ្ឋ ដែលរស់នៅតាមដងអូរនារដូវវស្សា ។ការត្រួតពិនិត្យ ឃើញថា ការចាក់អាចម៍ដីរំលោភចូលចំណីអូរនេះ មិនត្រឹមត្រូវតាមបច្ចេកទេស បំពានទៅនឹងច្បាប់ ហើយអាជ្ញាធរបានជូនដំណឹង ឲ្យម្ចាស់ស្ថានីយខាងលើ ត្រូវតែកាយអាចម៍ដីទាំងនោះចេញជាបន្ទាន់។ ជាការកត់សម្គាល់នៅក្នុងខេត្តមណ្ឌលគិរីតែងតែមាន ជនខិលខូច អាងអំណាចលុយកាក់បានប្រើសកម្មភាព វាត់ទីយកដីចំណីអូរ ព្រៃទ្រនាប់អូរ របស់រដ្ឋធ្វើជាកម្មសិទ្ធិរបស់ខ្លួន ដោយអ្នកខ្លះថែមបាន លុប អូរទឹកច្រប់ ដើម្បីទុកជាកម្មសិទ្ធិបុគ្គលផង។យោងតាមអនុក្រឹត្យស្តីពីការគ្រប់គ្រងអាងទន្លេ លេខ ៩៨ អ ន ក្រ.ប ក បានបញ្ជាក់ថា អូរ សំដៅដល់ផ្លូវទឹកធម្មជាតិដែលទទួលប្រភពទឹក មកពីជ្រោះ និងពីតំបន់ផ្ទៃរងទឹកភ្លៀងនៅផ្នែកខាងលើ ហើយហូរចូលព្រែក ស្ទឹង ទន្លេ ឬបឹង ផ្ទៃចំណីមាត់ច្រាំង របស់អូរមានចម្ងាយ១០ ម៉ែត្រគិតពីមាត់ច្រាំងអូរ។មហាជនបានលើកឡើងថា កន្លងមកម្ចាស់ការ៉ាសសាំងមួយនេះ ធ្លាប់បានធ្វើសកម្មភាពចាក់ដីលុបបំពេញ ដីច្រប់ ដែលនៅអមសងខាងផ្លូវជាតិលេខ៧៦ក្បែរការ៉ាស់សាំងនេះបានជោគជ័យម្ដងហើយ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា