កំណត់ត្រាថ្មីទៀតហើយ! វៀតណាមរកឃើញអ្នកឆ្លងកូវីដ១៩ រហូតដល់៩៤,៣៨៥ករណី និងស្លាប់៣៧៨នាក់ទៀត
ហាណូយ ៖ ក្រសួងសុខាភិបាលវៀតណាមនៅថ្ងៃចន្ទម្សិលមិញបានប្រកាសរកឃើញករណីឆ្លងថ្មីៗ នៃជំងឺកូវីដ១៩ចំនួន៩៤,៣៨៥ ករណីបន្ថែមទៀត និងអ្នកស្លាប់ថ្មីដោយសារជំងឺដ៏កាចសាហាវនេះចំនួន៣៧៨នាក់ទៀតផងដែរ ក្នុងរយៈពេល២៤ម៉ោងចុងក្រោយនេះ។ នេះបើតាមការចេញផ្សាយ ដោយទីភ្នាក់ងារសារពត៌មាន Viet Nam News។
បើតាមក្រសួងសុខាភិបាលវៀតណាមបញ្ជាក់ថា រដ្ឋធានីហាណូយដែលបច្ចុប្បន្នកំពុងប្រែក្លាយជាចំណុចកណ្តាល នៃការផ្ទុះរីករាលដាលជំងឺនេះ មានករណីឆ្លងថ្មីចំនួន១២,៨៥០ករណី ខណៈហូជីមិញបានរាយការណ៍ ចំនួន១,៧៩០ករណី។ ចំណែកខេត្តដែលមានករណីឆ្លងច្រើនដែរនោះគឺរួមមានដូចជា ខេត្តQuảng Ninh មានចំនួន៩,១០៥ករណី, ខេត្ត Nghệ An ៣,៩៥៨ករណី និងខេត្ត Bắc Ninh ៣,៥៧២ករណី។
សូមជម្រាបថា គិតត្រឹមថ្ងៃទី២៨ ខែកុម្ភៈ ឆ្នាំ២០២២នេះ វៀតណាមមានករណីឆ្លងកូវីដ-១៩ សរុបទូទាំងប្រទេសចំនួន៣,៤៤៣,៤៨៥ នាក់ ក្នុងនោះអ្នកជំងឺជាសះស្បើយចំនួន ២,៤៣៨,៩៥១នាក់ ចំណែកអ្នកស្លាប់សរុបនៅត្រឹមចំនួន៤០,៥២២នាក់៕
![]()
![]()
![]()