នាថ្ងៃព្រហស្បតិ៍ ទី០៣ ខែមីនា នេះ គឺជាថ្ងៃទីពីរ និងជាថ្ងៃចុងក្រោយនៃវគ្គបណ្តុះបណ្តាលក្រោមប្រធានបទ ”សារព័ត៌មានក្នុងកិច្ចចូលរួមកសាងសង្គមប្រជាធិបតេយ្យនៅកម្ពុជា” ដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាលត្រូវបានបិទបញ្ចប់ដោយស្ថាពរ។សម្រាប់ថ្ងៃនេះ លោក បឿន វិបុល មន្រ្តីទទួលបន្ទុកកិច្ចការព័ត៌មានរបស់អង្គភាពអ្នកនាំពាក្យរាជរដ្ឋាភិបាលបានបកស្រាយអំពីកិច្ចការនៃប្រព័ន្ធរដ្ឋបាលសាធារណៈ រួមមាន រដ្ឋ កំណែទំរង់វិមជ្ឈការ និងវិសហមជ្ឈការ រដ្ឋបាលថ្នាក់កណ្តាល និងរដ្ឋបាលថ្នាក់ក្រោមជាតិ។ រីឯឯកឧត្តម មឿន ឈានណារិទ្ធ សាស្រ្តាចារ្យផ្នែកសារព័ត៌មាននៃសកលវិទ្យាល័យកម្ពុជាបានបង្ហាត់បង្ហាញអំពីវិធីសាស្រ្តសរសេរ និងរាយការណ៍ព័ត៌មាន រួមមាន វិធីស្វែងរកប្រភព និងការស្នើសុំធ្វើបទសម្ភាសន៍ យុទ្ធសាស្រ្តធ្វើបទសម្ភាសន៍ប្រកបដោយភាពជោគជ័យជាដើម។ឯកឧត្តម ផៃ សុីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាលបានសម្តែងនូវការកោតសរសើរចំពោះសិក្ខាកាមដែលខិតខំស្វែងយល់ដឹងបន្ថែមនូវការវិវឌ្ឍន៍រីកចម្រើនយ៉ាងឆាប់រហ័សនៃវិស័យព័ត៌មានក្នុងសង្គមប្រជាធិបតេយ្យនៅកម្ពុជា។ ជាមួយគ្នានោះ ឯកឧត្តម ផៃ ស៊ីផាន និងគ្រូបង្គោលក៏បានប្រគល់វិញ្ញាបនបត្របញ្ជាក់វគ្គបណ្តុះបណ្តាលជូនសិក្ខាកាមទាំងអស់ មុននឹងវិលត្រឡប់ទៅអង្គភាពដើម្បីបំពេញកាតព្វកិច្ចអ្នកសារព័ត៌មានប្រកបដោយវិជ្ជាជីវៈរៀងៗខ្លួន៕
ព័ត៌មានគួរចាប់អារម្មណ៍
ឯកឧត្តម ស សុខា អះអាងថា ជនរួមជាតិ ព្រមទាំងយុវជន ជឿជាក់លើភាពម៉ឺងម៉ាត់និងដំណោះស្រាយដ៏ឈ្លាសវៃរបស់សម្ដេចធិបតី ហ៊ុន ម៉ាណែត ()
សម្ដេចធិបតី ហ៊ុន ម៉ាណែត ថ្លែងអំណរគុណរដ្ឋាភិបាលថៃ ដែលបានលើកលែងថ្លៃទិដ្ឋាការសម្រាប់ពលរដ្ឋខ្មែរ ដែលមកលេងស្រុកកំណើតក្នុងឱកាសបុណ្យចូលឆ្នាំខ្មែរ ()
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
វីដែអូ
ចំនួនអ្នកទស្សនា