ខេត្តរតនគីរី ៖ ដោយប្រទេសជាតិមានសុខសន្តិភាព ក្រោមការដឹកនាំដ៏ឈ្លាសវៃ របស់រាជរដ្ឋាភិបាលនាម័យតេជោ ធ្វើឲ្យការអភិវឌ្ឍន៍មានការឈានឡើង ពីមួយឆ្នាំទៅមួយឆ្នាំ សម្រួលដល់ការធ្វើដំណើរ ពីខេត្តមួយទៅខេត្តមួយទៀត ទូទាំងប្រទេសកម្ពុជា។ ដូច្នេះធ្វើឲ្យភ្ញៀវទេសចរណ៍ ទាំងភ្ញៀវជាតិ និងភ្ញៀវអន្តរជាតិ មិនមានការជិនណាយក្នុងការធ្វើដំណើរកំសាន្ត តាមខេត្តនានា ដែលមានតំបន់រមណីយ៍ដ្ឋានធម្មជាតិសោះឡើយ។ ជាក់ស្ដែងនៅខេត្តរតនគិរី ភ្ញៀវទេសចរណ៍ប្រមាណជាជិត៤ម៉ឺននាក់មកលេងកម្សាន្តក្នុងឱកាសចូលឆ្នាំថ្មីប្រពៃណីជាតិខ្មែរ រយៈពេល ៣ថ្ងៃ នេះបើយោងតាមការឲ្យដឹងពីលោក ង៉ែត ពិទូ ប្រធានមន្ទីរទេសចរណ៍ខេត្តរតនគិរី។លោក ង៉ែត ពិទូ ប្រធានមន្ទីរទេសចរណ៍ខេរតនគីរី បានឲ្យដឹងថា នៅក្នុងសង្ក្រាន្តឆ្នាំថ្មី២០២២នេះ គឺមានភ្ញៀវទេសចរណ៍ជាតិ និងភ្ញៀវអន្តរជាតិ មកលេងសរុប ចំនួន ៣៩៤៣៥នាក់ ក្នុងនោះមានភ្ញៀវជាតិចំនួន ៣៩២៧២នាក់ និងភ្ញៀវអន្តរជាតិចំនួន ១៦៣នាក់ ដែលមកកំសាន្តក្នុងពិធីបុណ្យចូលឆ្នាំថ្មីប្រពៃណីជាតិខ្មែរនេះ។លោកប្រធានមន្ទីរទេសចរណ៍ខេត្តបានបញ្ជាក់ទទៀតថា ភ្ញៀវមានការកើនឡើងនេះ ក៏ដោយសារមានការគួបផ្សំ ពីការរៀបចំសង្ក្រាន នៅមន្ទីរវប្បធម៌ ដែលរៀបចំដោយរដ្ឋបាលខេត្ត ដឹកនាំលេងល្បែងកំសាន្តដោយ ឯកឧត្ដម ញ៉ែម សំអឿន អភិបាលខេត្ត លោក លោកជំទាវ អភិបាលរងខេត្ត ព្រមទាំងប្រធានមន្ទីរ អនុប្រធានមន្ទីរជុំវិញខេត្ត និងមានភ្ញៀវចូលរួមយ៉ាងច្រើនកុះករផងដែរ។ ទន្ទឹមនឹងនោះ កងកម្លាំងប្រដាប់អាវុធ ទាំងបីប្រភេទ ក៏មានចូលរួមរៀបចំសណ្ដាប់ធ្នាប់ ការពារសន្តិសុខ យ៉ាងល្អប្រសើរជូនដល់ប្រជាពលរដ្ឋ និងភ្ញៀវទេសចរណ៍ ដែលមកកំសាន្តក្នុងខេត្ត ឲ្យមានភាពកក់ក្ដៅផងដែរ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា