ខេត្តមណ្ឌលគិរី ៖ ឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរី និងជាប្រធានគណៈកម្មាធិការសាខាកាកបាទក្រហមកម្ពុជាខេត្តមណ្ឌលគិរី នារសៀលថ្ងៃទី២៥ ខែមេសា ឆ្នាំ២០២២ បានអញ្ជើញដឹកនាំកិច្ចប្រជុំពិភាក្សាការងាររៀបចំពិធីអបអរសាទរខួបអនុស្សាវរីយ៍លើកទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២២ ដោយមានការចូលរួមពីសំណាក់លោក លោកស្រី អភិបាលរងខេត្ត ថ្នាក់ដឹកនាំមន្ទីរអង្គភាពជុំវិញខេត្ត កងកម្លាំងប្រដាប់អាវុធទាំងបី លោកនាយករងរដ្ឋបាលសាលាខេត្ត នាយកសាខាកាកបាទក្រហមខេត្ត និងសហការី រួមទាំង អភិបាលក្រុង/ស្រុកទាំង០៥ ខេត្ត ចូលរួមតាមប្រព័ន្ឋវីដេអូ Zoom ដែលប្រព្រឹត្តទៅនៅអគារសាលាខេត្តមណ្ឌលគិរី។ឯកឧត្តម ថង សាវុន អភិបាលខេត្ត និង ជាប្រធានគណៈកម្មាធិការសាខាកាកបាទក្រហមកម្ពុជាខេត្តមណ្ឌលគិរី បានអំពាវនាវដល់មន្ត្រីរាជការ ក្រុមហ៊ុន សហគ្រាស វិស័យឯកជន ពាណិជ្ជករ អាជីវករ ទាំងក្នុងខេត្ត និង សប្បុរសជននានា ចូលរួមឧបត្ថម្ភថវិកាដល់សាខាកាកបាទក្រហមកម្ពុជាខេត្តមណ្ឌលគិរី ដើម្បីប្រើប្រាស់ជាប្រយោជន៍ការងារមនុស្សធម៌ ជួយដល់ជនងាយរងគ្រោះ ជនក្រីក្រ និង ទុរគត៌ជន ។ឯកឧត្តម ក៏បានណែនាំ ដល់នាយកសាខាកាកបាទក្រហមកម្ពុជាខេត្តមណ្ឌលគិរី ធ្វើលិខិតអញ្ជើញក្រុមហ៊ុន សហគ្រាស អាជីវករ ពាណិជ្ជករ និងបណ្ដា ខេត្ត-ស្រុក ជាប់ព្រំដែន ដើម្បីចូលរួមអបអរសាទរខួបអនុស្សាវរីយ៍លើកទី១៥៩ ក្រោមប្រធានបទ” ទាំងអស់គ្នារួមជាកាកបាទក្រហមកម្ពុជា ដោះស្រាយបញ្ហានានា និងបន្តពង្រឹងភាពធន់សហគមន៍ ” ដែលប្រព្រឹត្តទៅនៅថ្ងៃទី០៨ ឧសភា ឆ្នាំ២០២២ នៅបរិវេណសាលប្រជុំមន្ទីរអប់រំ យុវជន និងកីឡា ខេត្តមណ្ឌលគិរី៕
ព័ត៌មានគួរចាប់អារម្មណ៍
ឯកឧត្តម ស សុខា អះអាងថា ជនរួមជាតិ ព្រមទាំងយុវជន ជឿជាក់លើភាពម៉ឺងម៉ាត់និងដំណោះស្រាយដ៏ឈ្លាសវៃរបស់សម្ដេចធិបតី ហ៊ុន ម៉ាណែត ()
សម្ដេចធិបតី ហ៊ុន ម៉ាណែត ថ្លែងអំណរគុណរដ្ឋាភិបាលថៃ ដែលបានលើកលែងថ្លៃទិដ្ឋាការសម្រាប់ពលរដ្ឋខ្មែរ ដែលមកលេងស្រុកកំណើតក្នុងឱកាសបុណ្យចូលឆ្នាំខ្មែរ ()
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
វីដែអូ
ចំនួនអ្នកទស្សនា