កិច្ចប្រជុំស្តីពីការពង្រឹងការងារជំនាញព្រហ្មទណ្ឌ ការងារបង្ការ និងបង្រ្កាបនូវរាល់បទល្មើសគ្រប់ប្រភេទក្នុងទូទាំងខេត្តមណ្ឌលគិរី
ខេត្តមណ្ឌលគិរី ៖ នៅព្រឹកថ្ងៃពុធ០៧រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២០ ខែកក្កដា ឆ្នាំ២០២២ នៅសាលប្រជុំស្នងការដ្ឋាននគរបាលខេត្តមណ្ឌលគិរី លោកឧត្តមសេនីយ៍ទោ ឡោ សុខា ស្នងការនគរបាលខេត្តបានបើកកិច្ចប្រជុំស្តីពីការងារបង្កា និងបង្រ្កាបនូវរាល់បទល្មើសគ្រប់ប្រភេទក្នុងទូទាំងខេត្តមណ្ឌលគិរីជាពិសេស ក្មេងទំនើង និងបានរៀបចំធ្វើផែនការផ្សេងៗមួយចំនួនទៀតដើម្បីទប់ស្កាត់ និងបង្រ្កាបនូវរាល់បទល្មើសនានាដែលបានកើតឡើងឲ្យបានទាន់ពេលវេលា កិច្ចប្រជុំនេះមានការ អញ្ជើញចូលរួមពីលោក ឧត្តមសេនីយ៍ត្រី សូ សុវណ្ណ ស្នងការរងទទួលការងារផែនព្រហ្មទណ្ឌ លោក លោក ប្រធានការិយាល័យព្រហ្មទណ្ឌ ព្រមទាំងលោកអធិការនគរបាល ក្រុងស្រុកទាំង០៥ លោកនាយប៉ុស្តិ៍នគរបាល រដ្ឋបាលទាំង២១ ឃុំ សង្កាត់ដែលបានចូលសរុបមានចំនួន៥៥នាក់។
លោកឧត្តមសេនីយ៍ទោស្នងការបានមានប្រសាសន៍បើកកិច្ចប្រជុំ និងបានអនុញ្ញាតឲ្យ លោកឧត្តមសេនីយ៍ត្រី សូ សុវណ្ណ ស្នងការរងទទួលការងារផែនព្រហ្មទណ្ឌឡើងអានរបាយការសង្ខេបពាក់ព័ន្ធលើការងារបង្ការ និងបង្រ្កាបនូវរាល់បទល្មើសព្រហ្មទណ្ឌ ក្នុងទូទាំងខេត្តមណ្ឌលគិរី និងបទល្មើសមួយចំនួនទៀតដូចជាអំពើចោរកម្មសកម្មភាពក្មេងទំនើងជិះម៉ូតូបំពុងស៊ីមាំងលាន់លឺពេញភូមិស្រុក ដែលបានកើតឡើងនៅតាមបណ្តាមូលដ្ឋានមួយចំនួន និង ការជួញដូររក្សាទុកនិងប្រើប្រាស់នូវសាធាតុញៀនដោយខុស។
លោកក៏បានលើកឡើងពីការគ្រប់គ្រងនិងចុះស្ថិតិគ្រួសារ ប្រជាពលរដ្ឋនៅតាមខ្នងផ្ទះដើម្បីកាត់បន្ថយបទល្មើស និង ងាយស្រួលក្នុងការគ្រប់គ្រងមិនឲ្យមានបទល្មើសគ្រប់ប្រភេទកាត់បន្ថយអោយបានកាន់តែល្អប្រសើ។
លោកឧត្តមសេនីយ៍ទោ ស្នងការនគរបាលខេត្តបានអនុញ្ញាតឲ្យលោកអធិការទាំង៥ លើកឡើងនូវបញ្ហាប្រឈមផ្សេងៗមួយចំនួនក្នុងកាអនុវត្តន៍ការងារប្រចាំថ្ងៃយកមកស្រាយបំភ្លឺក៏ដូចជាបញ្ហាប្រឈមមួយចំនួននិងសំណូមពរផ្សេងៗដើម្បីរិះរកវិធីសាសល្អៗយកទៅអនុវត្តន៍ក្នុងការបំពេញការងារអោយមាន ប្រសិទ្ធខ្ពស់ក្នុងនោះផងដែរលោក ឧត្តមសេនីយ៍ទោ ឡោ សុខា ស្នងការនគរបាលខេត្តក៏បានដោះស្រាយនូវបញ្ហាប្រឈមចំនួនពីរចំណុចមាន ៖ ទី១.ពាក់ព័ន្ធការធ្វើអត្តសញ្ញាណប័ណ្ណ ទី២ .ការបង្រៀនបង្ហាត់ពន្យល់ដល់សន្តិសុខដែលយាមនៅក្រុមហ៊ុនឯកជន ឬក្រុមហ៊ុននានាឲ្យចេះរាយការណ៍មកកម្លាំងសមត្ថកិច្ច និងចេះធ្វើការការជាបណ្ដោះអាសន្នមុននឹងកម្លាំងសត្ថកិច្ចចុះទៅដល់កន្លែងកើតហេតុ។
លោកក៏បានបន្ថែមចំណុចសំខាន់ៗមួយចំនួនទៀតទៅដល់លោក/លោក នាយប៉ុស្តិ៍ នគរបាលរដ្ឋបាលទាំងអស់ត្រូវពន្លឿននៃការងារធ្វើអត្តសញ្ញាណប័ណ្ណ សៀវភៅគ្រួសារ សៀវភៅស្នាក់នៅ ជូនប្រជាពលរដ្ឋឲ្យបានគ្រប់ចំនួន ដើម្បីងាយស្រួលក្នុងការក្ដាប់សភាពការណ៍ ភូមិសាស្ត្របានល្អ ហើយវាជាការងាយស្រួលក្នុងការការពារសុវត្ថិភាពសណ្ដាប់ធ្នាប់ ជូនពួកគាត់នៅតាមមូលដ្ឋានផងដែរ៕
