ខេត្តក្រចេះ ៖ នារសៀលថ្ងៃសុក្រ ៨កេីត ខែស្រាពណ៍ ឆ្នាំខាល ចត្វាស័លក ពុទ្ធសករាជ ២៥៦៦ ត្រូវនឹងថ្ងៃទី០៥ ខែសីហា ឆ្នាំ ២០២២ ឯកឧត្តម គង់ គឹមនី គណៈអភិបាលរងខេត្តក្រចេះ តំណាងឯកឧត្តម វ៉ា ថន គណៈអភិបាលខេត្តក្រចេះ អញ្ជេីញដឹកនាំកិច្ចប្រជុំដេីម្បីអនុវត្តការងារចលនាភូមិមួយ ផលិតផលមួយ នៃក្រុមការងារលេខាធិការដ្ឋាន គណៈកម្មាធិការដ្ឋានជំរុញចលនាភូមិមួយ ផលិតផលមួយ ឆ្នាំ២០២២ ឱ្យមាននិរន្តរភាព ។ កិច្ចប្រជុំនេះផងដែរ ដោយមានការអញ្ជេីញចូលរួមពី លោក លោកស្រី ប្រធាន អនុប្រធានមន្ទីរ ប្រធាន អនុប្រធានការិយាល័យ នឹងអង្គភាព ពាក់ពន្ធ័ចំណុះសាលាខេត្តជាច្រេីនរូប។ឯកឧត្តម គង់ គឹមនី មាន ប្រសាសន៍ថា ដេីម្បីឱ្យការងារនេះដំណេីរការទៅបាន ដោយរលូន និងល្អប្រសេីរ គឺអាស្រ័យលេីយេីងទាំងអស់គ្នា ដែលជាក្រុមការងារមានឆន្ទៈរួមគ្នាដេីម្បីជំរុញ និងអនុវត្តការងារឱ្យមានប្រសិទ្ធភាពចំពោះវិស័យនីមួយៗ ពិសេសវិស័យភូមិមួយផលិតមួយដែលក្នុងខេត្តបានអនុវត្តរយៈពេលកន្លងមក តាមរយៈយុទ្ធសាស្រ្តផ្សេងៗដែលគន្លឹះល្អៗសម្រាប់ដំណេីរការឱ្យបានប្រសេីរ ។ជាមួយគ្នានេះរដ្ឋបាលខេត្តមានក្រុមប្រឹក្សាខេត្ត គណៈអភិបាលខេត្តបានខិតខំប្រឹងប្រែង យកអស់កម្លាំងទាំហកម្លាំង និងកម្លាំងស្មារតីដេីម្បីអនុវត្តតាមគោលនយោបាយរបស់រាជរដ្ឋាភិបាល ស្តីពីការលេីកកម្ពស់សេដ្ឋកិច្ចនៅក្នុងខេត្ត និងកាត់បន្ថយភាពក្រីក្ររបស់ប្រជាពលរដ្ឋនៅមូលដ្ឋាន និងសហគមន៍ ។ ឯកឧត្តម គង់ គឹមនី បានបញ្ជាក់ផងដែរថា គណៈកម្មាធិការជាតិជំរុញចលនាភូមិមួយផលិតផលមួយបានពិនិត្យ និងវាយតម្លៃសម្រាប់ការកំណត់ផលិតផលខ្មែរដែលមានសក្តានុពលនៅក្នុងខេត្ត ជាភូមិមួយផលិតផលមួយ ហេីយការត្រួតពិនិត្យ និងវាយតម្លៃនូវផលិតផលទាំងនោះត្រូវបាន កំណតត់ដោយផ្អែកលេីលក្ខណៈវិនិច្ឆ័យសំខាន់ៗមាន៤យ៉ាង ៖ ១ – ត្រូវមានទីតាំងច្បាស់លាស់ , ២- មានលក្ខណៈឆ្លុះបញ្ចាំងពីអត្តសញ្ញាណបានត្រឹមត្រូវ ដែលឆ្លេីយតបនឹងនិយមន័យ ចលនាភូមិមួយផលិតមួយ , ៣ – ត្រូវមានការកែច្នៃប្រកបដោយគំនិតច្នៃប្រឌិតខ្ពស់ដេីម្បីជាភាពទាក់ទាញ , ៤- មានការប្រមូលផ្តុំចងក្រងជាសហគមន៍ដេីម្បីធានានិរន្តរភាព ។ឯកឧត្តម បានកំណត់ថា គ្រប់ស្ថាប័នដែលពាក់ព័ន្ធ ពិសេសអាជ្ញាធរក្រុង ស្រុក ទាំង៦ ត្រូវបន្តខិតខំបន្ថែមទៀតក្នុងស្វែងរកនូវផលិតផលផ្សេងៗទៀតក្នុងមូលដ្ឋាន និងសហគមន៍ដែលជាផលិតផលមានសក្តានុពលដេីម្បីដាក់បញ្ចូលផលិតផលនោះទៅក្នុងចលនាភូមិមួយផលិតផល ហេីយនឹងអាចយកទៅធ្វេីការប្រកួតប្រជែងនៅទីផ្សារសេរីដែលមានក្នុងស្រុក និងក្រៅស្រុកផងដែរ ដេីម្បីជាការផ្សព្វផ្សាយផលិតផលរបស់យេីង និងបញ្ជាក់ពីគុណភាពដែលតម្រូវការរបស់ទីផ្សារសេរីប្រកបដោយចេរភាព ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា