ខេត្តស្ទឹងត្រែង៖ ក្នុងពិធីប្រកាសតែងតាំងអភិបាលរងថ្មី២រូប នៃរដ្ឋបាលស្រុកថាឡាបរិវ៉ាត់ កាលពីរសៀលថ្ងៃទី០៤ ខែមករា ឆ្នាំ២០២៣ ឯកឧត្តម យឹម ផែន បានជំរុញដល់អភិបាលរងស្រុកទើបប្រកាសចូលកាន់មុខតំណែងថ្មី ត្រូវបន្តរួមគ្នាខិតខំក្នុងការដឹកនាំ និងគ្រប់គ្រងរដ្ឋបាលស្រុកឲ្យមានការអភិវឌ្ឍន៍រីកចម្រើនលើគ្រប់វិស័យ ។ឯកឧត្តមអភិបាលរងខេត្ត បានមានប្រសាសន៍ជំរុញបន្ថែមទៀតថា អភិបាលរងស្រុកទាំង២រូប ដែលទើបតែងតាំងថ្មីត្រូវសហការព្រមទាំងធ្វើជាសេនាធិការដ៏ល្អ ដល់លោកអភិបាលស្រុក និងខិតខំបំពេញតួនាទី ភារកិច្ចឲ្យបានល្អ ដើម្បីរួមចំណែកជាមួយរដ្ឋបាលខេត្ត និងរាជរដ្ឋាភិបាលក្នុងការអនុវត្តគោលនយោបាយយុទ្ធសាស្ត្រចតុកោណដំណាក់កាលទី៤ឲ្យទទួលបានជោគជ័យ។អភិបាលរងស្រុកថា ឡាបរិវ៉ាត់ទាំង២រូប ដែលទើបប្រកាសចូលកាន់មុខតំណែងថ្មី ក៏បានប្តេជ្ញាចិត្តថានឹងគោរពរដ្ឋធម្មនុញ្ញនៃព្រះរាជាណាចក្រកម្ពុជា ប្តេជ្ញាគោរពច្បាប់ និងបទដ្ឋានគតិយុត្តនានា គោរព និងអនុត្តតាមកម្មវិធីនយោបាយយុទ្ធសាស្រ្តចតុកោណរបស់រាជរដ្ឋាភិបាល គោរពនិងអនុវត្តតាមបទដ្ឋានគតិយុទ្ធ និងសេចក្តីណែនាំរបស់រដ្ឋបាលថ្នាក់ជាតិ និងថ្នាក់ក្រោមជាតិ ខិតខំពង្រឹង និងបម្រើការងារផ្តល់សេវាសាធារណៈជូនប្រជាពលរដ្ឋក្នុងមូលដ្ឋាន ស្របតាមគោលនយោបាយរបស់រាជរដ្ឋាភិបាលឲ្យបានល្អ ព្រមទាំងសហការយ៉ាងជិតស្និតជាមួយគ្រប់ស្ថាប័ន ការិយាល័យ អង្គភាព សង្គមស៊ីវិល រួមនិងអង្គការក្រៅរដ្ឋាភិបាលនានាដើម្បីឲ្យស្រុកថាឡាបរិវ៉ាត់កាន់តែមានការអភិវឌ្ឍន៍រីកចម្រើន ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា