ភ្នំពេញ៖ អតីតអនុប្រធានាធិបតីឥណ្ឌូនេស៊ី និងជាប្រធានកាកបាទក្រហមឥណ្ឌូនេស៊ី ប្រធានធាន CAPDI និងជាប្រធានគណៈកម្មាធិការគ្រប់គ្រងវិហារឥស្លាមឥណ្ឌូនេស៊ី លោក Jusuf Kala បានថ្លែងកោតសរសេរដឹកនាំរបស់រដ្ឋាភិបាលកម្ពុជាដែលនាំឱ្យមានភាពចុះសម្រុងនៃសាសនាទាំងអស់នៅកម្ពុជា។ លោកលើកឡើងបែបនេះក្នុងជំនួបជាមួយនាយករដ្ឋមន្ត្រីសម្ដេចតេជោ ហ៊ុន សែន នៅព្រឹកថ្ងៃទី២៨ ខែមីនា ឆ្នាំ២០២៣នេះ។ក្នុងជំនួបនៅវិមានសន្ដិភាពព្រឹកនេះ លោក Jusuf បានថ្លែងថា លោកបាននាំសាសនិកឥស្លាមជាង ១០០នាក់មកចូលរួមស្រាយបួសនៅកម្ពុជា ហើយអ្វីដែលលោកឃើញគឺបញ្ជាក់ថាកម្ពុជាមានភាពសុខុដុមភាព និងសាមគ្គីភាពយ៉ាងល្អបំផុតរវាងសាសនានៅក្នុងព្រះរាជាណាចក្រកម្ពុជា។ជាការឆ្លើយតបនាយករដ្ឋមន្ត្រីសម្ដេចតេជោ ហ៊ុន សែន បានថ្លែងថាកម្ពុជាបានរៀបចំពិធីស្រាយបួសជារៀងរាល់ឆ្នាំ ហើយសាសនានៅកម្ពុជាគឺមានភាពចុះសម្រុងមិនថាសាសនាព្រះពុទ្ធ គ្រីស្ទាន ឬឥស្លាមនោះទេ។ថ្លែងក្នុងពិធីបុណ្យស្រាយបួសកាលពីយប់ថ្ងៃទី២៧ ខែមីនា ឆ្នាំ២០២៣ សម្ដេចតេជោ ហ៊ុន សែន បានថ្លែងថា គ្រប់ជាតិសាសន៍ និងសាសនានៅកម្ពុជា ត្រូវរួមគ្នាដើម្បីជួយប្រទេសជាតិឱ្យរីកចម្រើន។ សម្ដេចបញ្ជាក់ថា ភាពខុសគ្នានៃសាសនា និងជាតិសាសន៍ មិនជាឧបសគ្គនៅកម្ពុជានោះទេ។ភាពសុខុដុមនៃសាសនានៅកម្ពុជាក៏ទទួលបានការកោតសរសើរពីនាយករដ្ឋមន្ត្រីម៉ាឡេស៊ី Anwar ផងដែរនិងសង្ឃឹមថាប្រទេសដែលកំពុងអនុវត្តន៍នយោបាយរើសអើសជាតិសាសន៍ ពិសេសលោកខាងលិចដែលអះអាងជាប្រទេសប្រជាធិបតេយ្យនិងសិទ្ធិមនុស្សឱ្យមើលពីគំរូនៃភាពដឹកនាំរបស់សម្ដេចតេជោ ហ៊ុន សែន ដែលនាំសន្ដិភាព និងសុខដុមសាសនាក្នុងប្រទេសកម្ពុជា៕
ព័ត៌មានគួរចាប់អារម្មណ៍
ឯកឧត្តម ស សុខា អះអាងថា ជនរួមជាតិ ព្រមទាំងយុវជន ជឿជាក់លើភាពម៉ឺងម៉ាត់និងដំណោះស្រាយដ៏ឈ្លាសវៃរបស់សម្ដេចធិបតី ហ៊ុន ម៉ាណែត ()
សម្ដេចធិបតី ហ៊ុន ម៉ាណែត ថ្លែងអំណរគុណរដ្ឋាភិបាលថៃ ដែលបានលើកលែងថ្លៃទិដ្ឋាការសម្រាប់ពលរដ្ឋខ្មែរ ដែលមកលេងស្រុកកំណើតក្នុងឱកាសបុណ្យចូលឆ្នាំខ្មែរ ()
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
វីដែអូ
ចំនួនអ្នកទស្សនា