ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រាប់ទៅកាន់ជនបរទេសមួយចំនួន ឱ្យដកខ្លួនចេញ រាល់ការផ្ដល់លុយ ផ្ដល់កាក់ សម្រាប់ធ្វើចលនាផ្សេងៗ ដែលនាំឱ្យមានបដិវត្តន៍ពណ៌។ថ្លែងនៅក្នុងពិធីជួបជាមួយកម្មករជិត ២ម៉ឺននាក់នៅក្នុងតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ នៅព្រឹកថ្ងៃទី២៧ ខែឧសភា ឆ្នាំ២០២៣ សម្ដេចតេជោ ហ៊ុន សែន បានថ្លែងថា ការព្យាយាមចង់ឈ្នះដោយផ្ដួលរំលំរដ្ឋាភិបាលតាមបែបមិនប្រជាធិបតេយ្យ គឺជាទោសដែលមិនអាចអត់ឱនឱ្យបាន ដោយថាប្រសិនជាបណ្ដែតបណ្ដោយនឹងធ្វើឲ្យកម្ពុជាជួបគ្រោះថ្នាក់សាជាថ្មី។ សម្ដេចតេជោ ថារដ្ឋាភិបាលនឹងបន្តស្រាវជ្រាវរកប្រភពលុយនៃអ្នកធ្វើបដិវត្តន៍កសិករនេះថែមទៀតផងដែរ។សម្ដេចតេជោ ហ៊ុន សែន បានមានប្រសាសន៍ថា «គោលដៅពួកអ្នកឯងចង់ធ្វើបដិវត្ដន៍ពណ៌ ដូចជាកន្លងទៅករណី បដិវត្តន៍កសិករ ដែលអ្នកឯងនាំគ្នាសិក្សា តើនៅប៉ុន្មានកន្លែងទៀត! បើឧបាយកលនៅតែមាន យើងនៅតែបន្តនិយាយ»។សម្ដេចេជោ ហ៊ុន សែន សង្កត់ធ្ងន់ថា « សូមមិត្តភក្ដិបរទេស ដែលបានផ្ដល់លុយផ្ដល់កាក់ សម្រាប់ធ្វើចលនាបែបនេះ ដកខ្លួនចេញ! យើងនឹងធ្វើការស្រាវជ្រាវ ឱ្យដល់ឫសគល់ ថាអ្នកឯងបានលុយ ពីកន្លែងណាមក ដើម្បីហ្វឹកហាត់របៀបហ្នឹង»។សូមជម្រាបថា ប្រធានសមាគមសម្ព័ន្ធសហគមន៍កសិករកម្ពុជា (CCFC Cambodia) លោក ថេង សាវឿន និងសហការី ២រូបទៀត ត្រូវបានអាជ្ញាធរឃាត់ខ្លួនកាលពីសប្តាហ៍មុននៅឯខេត្តក្រចេះឆ្ពោះមកភ្នំពេញ និងបញ្ចូនមកផ្តន្ទាទោសតាមច្បាប់នៅខេត្តរតនគិរី ក្រោមបទចោទ «រួមគំនិតក្បត់» និង «ការញុះញង់បង្កការវឹកវរក្នុងសង្គម» ដែលធ្វើឡើងនៅខេត្តរតនគិរី។ ការចោទប្រកាន់នេះគឺពាក់ព័ន្ធនឹងការចូលរួមបណ្តុះបណ្តាលពង្រឹងផ្នែកកសិកម្មដែលដឹកនាំដោយ លោក ថេង សាវឿន ក្រោមរូបភាពនយោបាយដែលធ្លាប់មាននៅក្នុងបដិវត្តកសិករ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា