ខេត្តកំពត៖ ទីលានចាក់សំរាមខេត្តកំពត ត្រូវបានក្រសួងសាធារណការ និងដឹកជញ្ជូនសម្ពោធដាក់ឱ្យប្រើប្រាស់ជាផ្លូវការនាព្រឹកថ្ងៃទី៣០ ខែឧសភា ឆ្នាំ២០២៣។ ទីលានចាក់សំរាមនេះសាងសង់ឡើងក្រោមកម្ចីឥណទានសម្បទាពីធនាគារអភិវឌ្ឍន៍អាស៊ី (ADB) សរុបចំនួនជាង ៣លានដុល្លារ។ទីលានចាក់សំរាមខេត្តកំពតនៃគម្រោងអភិវឌ្ឍន៍ហេដ្ឋារចនាសម្ព័ន្ធទេសចរណ៍ សម្រាប់កំណើនប្រកបដោយបរិយាប័ន្ន ក្នុងមហាអនុតំបន់មេគង្គ ជំហានទី២ ត្រូវបានសាងសង់ក្នុងផ្ទៃដីទំហំសរុបជាង ១០ហិកតា ស្ថិតក្នុងភូមិថ្មី ឃុំថ្មី ស្រុកទឹកឈូ។ ទីលានចាក់សំរាមនេះ មានរណ្តៅចំនួន២ ដោយរណ្តៅនីមួយៗមានជម្រៅ ៣ម៉ែត្រ អាចផ្ទុកសំរាមបានជាង ៤សែនម៉ែត្រគូបដែលអាចប្រើប្រាស់បាន ២០ឆ្នាំ។ទីលានចាក់សំរាមខេត្តកំពតនេះ ចំណាយថវិកាសាងសង់ជាង៣លានដុល្លារ។ ក្រសួងសាធារណការសាងសង់ទីលានចាក់សំរាមនេះនៅថ្ងៃទី២០ ខែឧសភា ឆ្នាំ២០២១ ហើយរួចរាល់នៅថ្ងៃទី៣០ ខែកញ្ញា ឆ្នាំ២០២២។អភិបាលខេត្តកំពត ឯកឧត្តម ម៉ៅ ធនិន បានលើកឡើងថា វត្តមានទីលានទុកដាក់សំរាមដ៏ធំសម្រាប់ខេត្តកំពតនេះ មិនមែនមានដោយចៃដន្យនោះទេ ពោលកើតចេញពីការខិតខំប្រឹងប្រែងប្រកបដោយឆន្ទៈមោះមុតរបស់ថ្នាក់ដឹកនាំក្រសួងសាធារណការនិងដឹកជញ្ជូន ដែលមានកិច្ចសហការគ្នាយ៉ាងល្អជាមួយធនាគារអភិវឌ្ឍន៍អាស៊ី។ឯកឧត្តម ម៉ៅ ធនិន បានគូសបញ្ជាក់ថា ទីលានចាក់សំរាមនេះនឹងអាចបង្កើតបរិយាកាសឲ្យភ្ញៀវទេសចរជាតិ-អន្តរជាតិមកកម្សាន្តលេងនៅខេត្តជាប់សមុទ្រមួយនេះផងដែរ។ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ការបង្កើតទីលានទុកដាក់សំរាមខេត្តកំពតនេះ គឺរួមចំណែកលើកកម្ពស់សុខមាលភាពពលរដ្ឋក្នុងខេត្តមួយនេះ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា