ខេត្តក្រចេះ ៖ នាព្រឹក ថ្ងៃទី២១ ខែកក្កដា ឆ្នាំ២០២៣ដែលជាថ្ងៃចុងក្រោយនៃយុទ្ធនាការឃោសនាស្វែងរកសំឡេងឆ្នោត ឯកឧត្តម យក់ វណ្ណា សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកចិត្របុរី និង ឯកឧត្តម ឈឿន ប៊ុនរត្ន័ ប្រធានក្រុមការងារគណបក្សប្រជាជនកម្ពុជា ចុះមូលដ្ឋានក្រុងក្រចេះបានដឹកនាំសាមាជិក សាមាជិកា គណបក្សប្រជាជនកម្ពុជា មានចំនួន ជាង១៥.០០០នាក់ ដង្ហែក្បួនបិទយុទ្ធនាការ ឃោសនារកសម្លេងឆ្នោត ដេីម្បីបោះជ្រេីសរេីសតំណាងរាស្រ្តនីតិកាលទី៧ បានប្រព្រឹត្តទៅនៅបរិវេណ មន្ទីរវប្បធម៌ « ហៅ សួនកុមារ » ស្ថិតនៅក្រុងក្រចេះ ខេត្តក្រចេះ និងនៅតាមរដ្ឋបាលស្រុក នានាក្នុងខេត្តក្រចេះ របស់ខ្លួន យ៉ាងអធិកអធម្មក្រៃលែង តាមរថយន្ត និងម៉ូតូ ជាច្រេីនគ្រឿងដោយមានសម្រែកជ័យឃោសយ៉ាងកងរំពងផងដែរ ។

ជាមួយគ្នានេះ ឯកឧត្តម យក់ វណ្ណា បានអំពាវនាវ ដល់សមាជិក សមាជិកាគណបក្សប្រជាជនកម្ពុជា ទាំងអស់ទូទាំងខេត្ត និងអ្នកនៅតាមផ្ទះដែលមិនបានអញ្ជេីញមកចូលរួមនាឱកាសនេះ សូមជូនដំណឹង និងគៀរគរ ពួកគាត់ព្រមទាំងសាច់សាហោហិត ដែលមានប័ណ្ណបោះឆ្នោត សូមអញ្ជេីញទៅចូលរួមបោះឆ្នោតជ្រេីសរេីសតំណាងរាស្រ្តនីតិកាលទី៧ នៅថ្ងៃទី២៣ ខែកត្តដា ឆ្នាំ២០២៣ ខាងមុខនេះ ឱ្យបានគ្រប់គ្នា ជូនគណបក្សប្រជាជនកម្ពុជា ដែលមានលេខរៀងទី ១៨ ហេីយមានរូបទេវតាបាចផ្កាជាសញ្ញាសម្គាល់ ដេីម្បីឱ្យគណបក្សនេះ បន្តការពារ នូវសុខ សន្តិភាព និង ការអភិវឌ្ឍលេីគ្រប់វិស័យ ជូនជាតិ និងជូនប្រជាជន ។ លេីសពីនេះ ឯកឧត្តម បានបញ្ជាក់ផងដែរថា សម្រាប់យុទ្ធនាការ ឃោសនាបោះឆ្នោត ជ្រេីសរេីសតំណាងរាស្រ្ត នីតិកាលទី៧ មានរយៈពេល ២១ថ្ងៃ ចាប់ផ្តេីម ពីថ្ងៃទី០១ ខែកក្តដា ឆ្នាំ២០២៣ និងត្រូវបញ្ចប់នៅថ្ងៃទី២១ ខែកក្តដា ឆ្នាំ២០២៣នេះ និងប្រព្រឹត្តទៅក្នុងបរិយាកាសដ៏ប្រសេីរ ដោយគ្មានអំពេីហឹង្សាអ្វីឡេីយ៕