មណ្ឌលគិរី៖ ដើម្បីថែរក្សាប្រពៃណី វប្បធម៌ផង និងបង្កភាពសប្បាយរីករាយ ដើម្បីចូលរួមអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្ដស័ក ព.ស.២៥៦៩ រដ្ឋបាលស្រុកកោះញែក បានរៀបចំសង្ក្រាន្តវិទ្យាល័យហ៊ុន សែន កោះញែក ដែលពិធីនេះធ្វើឡើងក្រោមវត្តមាន លោក ចាន់ រតនា អភិបាលរងខេត្តមណ្ឌលគិរី រួមទាំងមន្រ្តីរាជការ កងកម្លាំងប្រដាប់អាវុធទាំងបី លោកគ្រូ អ្នកគ្រូ ប្រជាពលរដ្ឋ និងសិស្សានុសិស្សយ៉ាងច្រើនកុះករ ដែលប្រព្រឹត្តទៅនៅវិទ្យាល័យហ៊ុន សែន កោះញែក នាព្រឹកថ្ងៃទី០២ ខែមេសា ឆ្នាំ២០២៥។លោក ចាន់ រតនា អភិបាលរងខេត្ត បានថ្លែងនូវការកោតសរសើរដល់រដ្ឋបាលស្រុក និងវិទ្យាល័យហ៊ុន សែនកោះញែក រួមទាំងសប្បុរសជន និងសិស្សានុសិស្សទាំងអស់ ដែលបានខិតខំសហការគ្នា ក្នុងការរៀបចំព្រឹត្តិការណ៍សង្រ្កាន្តនាពេលនេះ ដើម្បីចូលរួមថែរក្សា នូវតម្លៃប្រពៃណី វប្បធម៌ជាតិ ឱ្យបានល្អផូរផង់។លោកអភិបាលរងខេត្ត បញ្ជាក់ថា រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី បានកំពុងដឹកនាំមាតុភូមិកម្ពុជាលើគន្លងមាគារដ៏ត្រឹមត្រូវ ដោយរក្សាបាននូវសុខសន្តិភាព និងការអភិវឌ្ឍលើគ្រប់វិស័យ។ក្នុងឱកាសនេះ លោកអភិបាលរងខេត្ត ក៏បានក្រើនរំលឹកដល់ប្រជាពលរដ្ឋទាំងអស់ សូមចូលរួមគោរពច្បាប់ចរាចរណ៍ លើកកម្ពស់សោភណភាព តាមរយៈ ការតុបតែងផ្ទះសម្បែង គេហដ្ឋាន រក្សាសណ្តាប់ធ្នាប់ សាធារណៈ បង្ការនិងមានការប្រុងប្រយ័ត្ន គ្រោះអគ្គិភ័យ។ ចំណែក ក្មួយៗ សិស្សានុសិស្ស និងយុវជនទាំងអស់ ត្រូវជៀសឱ្យឆ្ងាយ ពីអំពើឧបាយមុខផ្សេងៗ ដូចជា ការប្រើប្រាស់គ្រឿងញៀន ក្មេងទំនើង ល្បែងស៊ីសងគ្រប់ប្រភេទ ដែលសង្គមជាតិកំពុងទប់ស្កាត់ និងស្អប់ខ្ពើមជាទីបំផុត ហើយខិតខំកសាងខ្លួនឱ្យក្លាយជា សិស្សល្អ កូនល្អ មិត្តល្អ ប្រឹងរៀនសូត្រឱ្យពូកែ និងចូលរួមថែរក្សានូវវប្បធម៌ អរិយធម៌របស់ដូនតាយើង ដែលខិតខំបង្កើតមក ជាពិសេសអភិវឌ្ឍន៍ខ្លួនឱ្យបានល្អប្រសើរ ដើម្បីអនាគតផ្ទាល់ខ្លួនផង និងរួមចំណែកអភិវឌ្ឍសង្គមជាតិផង។ជាមួយគ្នានេះដែរ លោក សី ទូច អភិបាលស្រុកកោះញែក បានឲ្យដឹងថា ការៀបចំសង្ក្រាន្តនេះឡើង ក្នុងគោលបំណង ដាស់អារម្មណ៍ដល់ក្មួយៗ សិស្សានុសិស្ស មាតាបិតា អាណាព្យាបាល ព្រមទាំងគ្រប់អ្នកពាក់ពន្ធ័ទាំងអស់ បានចូលរួមថែរក្សានូវប្រពៃណី វប្បធម៌ដ៏ល្អផូរផង់ របស់យើងដែលមានតាំងពីយូរលង់ណាស់មកហើយ។សូមបញ្ជាក់ថា សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយដូចជា ល្បែងដណ្តើមស្លឹកឈើ ល្បែងលោតបាវ ល្បែងលាក់កន្សែង ល្បែងវាយក្អម ល្បែងទាញ់ព្រ័ត្រ ល្បែងប៉ូមទឹកដាក់ដប ល្បែងចោលឈូង ល្បែងរាំទូលក្អម ល្បែងឡើងសសរខ្លាញ់ និងការរាំលេងកម្សាន្តសប្បាយផងដែរ៕
ព័ត៌មានគួរចាប់អារម្មណ៍
លោក អ៊ុន ចាន់ដា បន្តដឹកនាំប្រតិភូខេត្ត អញ្ជើញចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាផ្តល់ជូនវីរកងទ័ពសមរភូមិមុខជួរមុខទិសទី៣ និងជនភៀសសឹក នៅខេត្តឧត្តរមានជ័យ ()
សម្ដេចតេជោ៖ កម្ពុជា នឹងអាចបន្តនាំចេញគ្រាប់ស្វាយចន្ទីប្រមាណ ១លានតោន ក្នុងឆ្នាំនេះ ()
ព័ត៌មានថ្មីបំផុត អ្នកប្រករបរ ដឹកឈើមួយចំនួន ឆ្លងកាត់ស្រុកបាណន់ សូមមានវីជ្ជាជីវៈ ខ្លះផង ! អ្នកស្រុកសំឡូត បញ្ជាក់ថា រហ័សនាម "យាយមាន់" ជាមេក្លោងធំជាងគេ ប្រចាំខេត្តបាត់ដំបង ()
សម្ដេចធិបតី៖ ចក្ខុវិស័យនិងយុទ្ធសាស្ត្រកែទម្រង់ច្បាប់ដោយកំណត់ដាក់ចេញយុទ្ធសាស្ត្រគន្លឹះចំនួន៤ ()
សម្ដេចធិបតី ណែនាំគណៈកម្មាធិការដឹកនាំការកែទម្រង់ច្បាប់ ត្រូវដឹកនាំធ្វើឌីជីថលូបនីយកម្មប្រព័ន្ធនៃការតាក់តែង ចងក្រង និងផ្សព្វផ្សាយលិខិតបទដ្ឋានគតិយុត្ត ដោយប្រើប្រាស់បច្ចេកវិទ្យាឌីជីថល ()
វីដែអូ
ចំនួនអ្នកទស្សនា